يسعد مسا الشام بقلم الشاعرة ملك الأصفر
أنا حلفت بالإنجيل و القرأن...
والمسيح عيسى والنبي العدنان ...
بلدي سوريا على طول الزمان ...
راح تبقى بيت وعرين وللسلم عنوان ...
شامنا الحلوة صامدة والله حاميها ...
وسوريا غنية والخيرات عاطيها ...
رب السما بهالدني جنة مخليها...
قلعة صمود وعز منفتخر فيها ...
يسعد مسا الشام و يزينها بالأنوار...
ونعيش فيها بمحبة ونرفع الأسوار
ونمد أيادي الخير ونبعد الأشرار ...
ونفرش أرضها تبر وبالحب نبني الدار ...
وراح نبقى نتغنى بالشام وحب الشام ...
ونكتب لها أشعار من أحلى الكلام ...
ونهديها محبتنا و تهدينا السلام ...
وراح تبقى أمنا الحنونة وبحضنا ننام ...
وشامناالحلوة راح تبقى رمز الخلود ...
ونجومها العالية راح تبقى تضوي بهالوجود...
وسماها راح تبقى بالخير علينا تجود ...
وراح نبقى نزين الشام بأحلى الورود ...
وراح يزهر عنا الحب وتكبر الأزهار ...
ويرجع لعنا الطير يغرد على الأشجار ...
وتضوي شموع الفرح وتزيد الأنوار ...
ويرجع ليل الشام يضوي متل النهار
ليست هناك تعليقات:
إرسال تعليق