تعالوا نبتسم بقلم الشاعر اشرف هاشم عبد الصادق
تعالوا نقول صباح العامية
ونفتح دكان الحب ونرش الميه
تعالوا نبتسم في الفجرية
نضحك مع الحاضر من القلب
وننسي مرة مر الاسية
ندور علي صحبة ماضي زمان
نعدي علي دكان عم عطية
وصبح وقول يا صباح الحنان
تعالوا نفتح صفحة حب
وامل ورحلة لابتسامة فنان
صادق المشاعر في كل مكان
تعالوا نرفع ادينا لبعضنا
ونلقي بسمة الطلة والسلام
نشم روايح الريح عبر زمن
طبيب الجراح بالكلام
الشارع ولمة عازف ناي
مع كباية شاي وبسكوته
نسمع اجمل لحن حب رنان
تعالوا ننادي علي راديو
صباح الخير يا لي معانا
الكل رايح عمله بقلب مليان
حب وعزيمة انسان
تعالوا انا وانتم نعيش
زكريات زمان وننسي
الاسية ونتركها للرحمن
تعالوا نسمع كلمتين وبس
عم فؤاد لجيل كان يعرف عنوان
يقدر المعاني ويحس بالكبار
فين فين احترام كل انسان للانسان
ح نتفائل ومش ح نفقد امل في بكره
وح نصارع الشيطان
ان وانتم بسمة حب ح نحاول
نرجع ابتسامة زمان
ليست هناك تعليقات:
إرسال تعليق