روحي و لو روحي بقلم الشاعر د.رامز عيد
كل شوي تزيدي جروح
مضّيع حالي بجروحي
شو قهرتي فيي هالروح
روحي ولو كنتي روحي
عمري قضيتو قلقان
اتعب حالي و ارضيكي
ليلية اقعد سهران
بدفوة روحي غطيكي
عيونك كحّلها و نعسان
هنوة غفوة اعطيكي
قلبي بخفاقو هلكان
وما رضيتك كلمة تبوحي
استحيي ع دمك معليش
خافي الله و افعالو
تمصي بدماتي اديش
الناس لشافوكي قالوا
يا طمعانة فيي ليش
لسانك عم يسبق حالو
عالدنية صعبان العيش
روحي تركيها و روحي
الله عاطينا قلبين
روحين بروح نصفي
و العمر نقضّي عمرين
ما المر جرارو نصفي
ما الحب نعيشوا بالدين
نبيع القيمة و العفة
ما بيكفي حالي بحالين
جزعي مكبّش بشلوحي
وافر التقدير و فائق الاحترام لمجلة حروف حالمة على نشر شعري المتواضع ببريق حلمها الرقيق و اخص بالشكر و الامتنان الاستاذة العريقة Sooad Sooad
ردحذف