جرح تانى بقلم الشاعر وائل عمر
جرح تانى
جيتلك انتى تداوينى لاقيتك بتجرحينى
كنت فاكر فى إيدك دوايا وهادوينى
اتاريه كان سلا ح وبه بتدبحينى
زودتى عليا جرحى ليه بتزودينى
بجراح وهموم وشجن وفوق طاقتى تحملينى
هوايا كان مره مات فاكرك بتحيهولى
جيتلك بقلب عليل بايديك طيبتهولى
بعثتى فيا الامانى وزهدى موتيهولى
وكمان نسيت اشجانى والماضى نساتهولى
وبعد كل السنين تانى بتجرحيه.
وراحه تحبى غيرى وهوايا بتبعيه
فاكرة الهوا بينباع وبايدك تشتريه
ذوقى من كاس عذابى والجرح جربيه
حبيبي الاولانى جرحني غصب عنه
لكن هواكى انتى ليه كن اى بتبعيه
قالوا لى القلب صادق
يبقى انتوا الخداعين.
بتخدعونا بدمعه فاكرنكم حنينين
قالو أ عليكم ملايكه و قلوبكم رهييفين
اتاريهم غلطانين انتوا مانتوش ملايكه
قلوبكم نسايين
انتوا مانتوش ملايكه
وقلوبكم اسايين
انتوا مانتوش ملايكه وقلوبكم غداريين
ليست هناك تعليقات:
إرسال تعليق