(المسا قدح الرياح ) بقلم الشاعر وحيد راغب
تاج وزار ..
والقصيدة خارجة من ثغر المحار
فيها لؤلؤ
فيها دف ونوتة بتقرَّص ف نار
عايزة ناقد محترف
بيقول جمار
عايزة حس عالى يمكن
يوم يزقزق ف المدار
عايزة لما الجهد يكبر
والفوقة بعد الغيبة تتخطى
المسار
أى سحر يكون لكهنة
نغلى فيه لحد البخار
الجناين مزرعة ورد وعنادل
أى نادل
يخدم العمر بعمار
تاج وزار
بين قويسنا
والحسين
وابن سينا وابن رشد
والآثار
والحلايب والحبايب
بنت بتعد ف فطار
غدوة بلطى من كوم امبوا
وكركديه
وكركدن
والمسلة
وبر شرقى
وبر غربى
والنهار
الحسك ودموع بتنزف
ماضى كان بيقول سعيد
غاض عنبنا فى ملح جورنا
واحتشامنا بلبعه كسل الامانى
ونومنا فاتر كالجليد
طيِّبة البلدة كانت
والرب كان ليهم غفور
المناسك غيروها
وأبرهة بيخوض ف جور
تاج وزار ..
والمسا قدح الرياح
مر من فوق الجدار
ليست هناك تعليقات:
إرسال تعليق