كنت فاكر لما هااخلعك بقلم الشاعر جلال الخطيب
كنت فاكر لما هااخلعك
ينهد قلبي ويصبح النهار ضلمه وقلبك يوجعك
لما تحس في يوم إني هاأودعك
وأودع الزمن اللي عشته معاك في جنة عمرى ماأنساهاش
والليالي اللي قلبي افتكر ان لسه فيه في الدنيا حب
جيتي وبكل البساطة دبحت قلب
كان نفسه يحب
يبقى قلب زي كل الناس يحب
قلب عمره ماعاش وشاف غير الخداع
والألم بيدق بابه كل لحظة والضياع
كان بيسمعهم يقولوا إن فيه في الدنيا حب
يعني ناس عندها إحساس وتعرف إن لى قلب
زي كل الناس نفسه يحب
يعرفوا اللي بيصدق واللي قلبه نفاق وغش
يضحكوا في وشك ويغمزوا لغيرك بوش
كان مايتصور إن الفقرعمره مايخليهم ديابة
تبتسم لك والطمع مالي فلوبهم وكأننا بنعيش في غابة
كان مفكر إنه لمايخلص لك تقابله بالوفا وبكل قلب
كان والله يحبك والله هو لك محب
آآآآآآآآآآآآآآآآآآآآآآآآآآآآه على قلبي انفطر
آآآآآآآآآآآآآآآآآآآآآآآآآآآآه على اللي ضاع هدر
آآآآآآآآآآآآآآآآآآآآآآآآآآآه على حلمي اللي صار كابوس
لما قال الدنيا ضحكت قاله بخته ماصدقوش
دا اللي زيك حظهم فيها الضياع
ماتلاقيش رايج هنا غير الفلوس
اللي معاه يلزمه واللي مامعاهوش مايلزموش
يبقى وزنك ياحبيبي بالفلوس
معاك جنيه هاتبقى بيه ويشلوك فوق الرؤوس
والكل حابب يحضنك وكمان يبوووووووس
واماتخطب ينفتح لك ألف باب
والعروسة تقوم تقابلك والقرايب والصحاب
يحلفوا وبأيمانتهم إن مايلزمهم أحد
إلا راجل ابن ناس يعرف ايه معنى القرابة والنسب
أما الفلوس بتروح وتيجي ومالها قيمة كتير يعني هيه مجرد سبب
لكن اللي باقي واللي دايم هي الأصول
مايغرنا غنى أو فقير وخد كلامي في دول ودول
صدقت يومها إن لسه فيه في الدنيا خير
صدقت إن فيه عندهم حبة ضمير
يعني فيه في الدنيا خير
قلت راح أسامحك يادنيا وانسى كل عذاب ونار
ماأفتكر إلا حبايبي اللي خلوا الليل نهار
واللي عيني عمرها عن خياله ماتنساهوش
والله واحلويتي يادنيا وابتسم لى الزمان
والتقيت في الفرح مطرح بعد مانسيته زمان
هو دامعقول ياقلبي تعرف الحب وحلاوته
بعد ماصدقت إني ماأفتكر إلا قساوته
وابتديت أسمع لقلبي لقلبي نبض حب
ولى قلب وبقيت بحب
شفت جنة في أرضنا
ماعرفتهاش قبل
واللي ضاع من عمرنا
هايجي بعد
وآآآآآآآآآآآآآآآآآآآآآآآآآآآآآآآآآآآآآآآه
وألف آآآآآآآآآآآآآآآآآآآآآآآآآآآآآآآآآآآآآه
لما تيجي الطعنة جوه جوه القلب آآآآآآآآآآآآآآآآآآآآآآآآه
واللي قلناه حبنا يبقى هوهو الكرب آآآآآآآآآآآآآآآآآآآآآآه
وبمهارته اللي فاق بيها التعالب والديابة والأسود
حتى أيام عمرنا البياض خلاها سود
وبساطة أعتذر وكأنه شئ
ماحصل وخلاص برئ
وآآآآآآآآآآآآآآآآآآآآآه آآآآآآآآآآآآآآآآآآآآآه
على اللي يأمنك ويصافيك آه يادنيا
يوم مايجي يقربك يلقى منك حاجة تانية
حاجة عمره مايلقاهاش عند غيرك آه في ثانية
آآآآآآآآآآآآآآآآآآآآآه دا كل شئ ضاع في ثانية
ساعتها قلت هاأخلعك
واخلع معاك قلبي اللي عمره ماضيعك
وإن قدرت أرحل هناك لعالم عمره ماشاف حبنا
ولاعمره شاف ضحكنا اللي كان من قلبنا آآآآآآآآآآآآآآآآآآآه ياقلبنا
أنته لسه مننا وملكنا ؟؟؟؟؟؟؟
أنا مش مصدق غير بأنك ملكهم مش ملكنا ولامننا
علشان كده قررت إني هاأخلعك
وأشوف لي قلب غيرك
وأودعك
ليست هناك تعليقات:
إرسال تعليق