إلى اغلى الحبايب بقلم الشاعرد.محمد صلاح
مسير الشمل يوم يتلم
بريشه حلمي برسملك
يا غاليه في الظلام لوحه
يا شايله حمل على حملك
وماشيه الجايه والروحه
ومن عنواني برسلك
احلى رساله مشروحه
واغنيلك انا يا عمري
غنوه حب مبحوحه
وبكتبلك انا بدمي
رساله حب رغم الحال
يا شمس اصيله مش غايبه
مسيرها تنعدل الاحوال
مسير شمس النهار تطلع
وحالك يبقى غير الحال
وانا لجل الأمل هحيا
واشيل همك لو انه جبال
وبكتبلك انا رساله
كان الحبر فيها الشوق
بقولك ان انا ف بعدك
منيش قادر هموت مخنوق
بقولك وانتي بتطاطي
خلي عنيكي دايما فوق
انتي في الوجود نعمه
واللي يزعلك محرووووق
انا بكتب عشان بلدي
انا بكتب برغم الهم
يا بلدي برغم بلاوينا
انتي في عروقنا الدم
انتي الصاحبه في الضيقه
وانتي العشق وانتي الأم
مسير الحق راح يرجع
مسير الشمل راح يتلم
ليست هناك تعليقات:
إرسال تعليق