لو تعرف بقلم الشاعرة ملك الأصفر
لو تعرف أديش بحبك
مو من هلأ من زمان
من أول ما خلق الكون
وخلق ع الأرض الإنسان
بشعر إنك إنت روحي
وحبك أدمنتو إدمان
إنت النور اللي بعيوني
والنبض بقلب الشريان
......................
لو تعرف إنك بقلبي
متل زهرات البستان
و متل النجم اللي بالعالي
و متل الربيع بنيسان
إسمك عشفافي غنية
معزوفة بأحلى الألحان
وإنت النسمة ال بستنشقها
والعطر بغصن الريحان
........................
من غيرك ما بقدر عيش
وبشعر بقلبي تعبان
إنت اللي بتعطيني القوة
تا صير متل غصن البان
واصدح متل الطير الشادي
لما يرفرف ع الأغصان
ويتنقل من زهرة لزهرة
ويغني وهوه فرحان
ليست هناك تعليقات:
إرسال تعليق