انا اللى عايش بقلم الشاعر على سالم
انا اللى عايش بقالى سنين
بدارى الشوق والم وحنين
ولما الدنيا تتعبنى
وحضن الوحده يغلبنى
اناديلك
روحى تجيلك
وتسيبى ليا انا ذكرى
اعيشها ولو بكره
وييجى يوم بعده
مايلقى
غير سنين سعده
بتتبدل
دموع حارقه
يا دنيا بقى كفايه
خلصت لصبرى انا نهايه
وبتالم وبتعلم
ويفضل حبنا مرايه
مع الاحزان متعانه
بدمعه حاميه خزيانه
ولا تفكر
ولا تقدر
تخف النوح واوجاعى
وانا صابر
على المجروح ما يتعافى
ونتقابل
فى دنيا تانيه مبتسمه
على الشفه ولو رسمه
تحاكينى احاكيها
راضيين بنصيبنا والقسمه
وتتكرر
احلام ولا ع البال
ويبات فى
احضانا الف سؤال
مين الجانى على قلوبنا
واتسبب يوم بفرقتنا
وبدموعنا واحزانا
وبقولك انا اسف
لا كان الفرقه باديكى
ولا ايديه
واشوف الدمع ف عنيكى
واتمنى يكون ليه
واسكن ثانيه فى بحورك
هنا قلبك هنا قصورك
انا وردك فى بستانك
انا شريكك فى احزانك
وتطلبى منى انساكى
قوليلى ازاى انا انساكى
فى كل غرفه ذكراكى
هنا ايامك الحلوه
ياما غنيت ليكى كام غنوه
وياما رسمنا احلامنا
بضى شموعنا قدامنا
وبعديها بنتسامر ونتهازر
وتبات على المخده ضحكتنا
ونصبح البسمه على وجوهنا
بتروى الارض عطشانه
ونتسابق على الكلمه
اللى هيقول بحبك للتانى
ونتشارك ونتعارك
وفى لحظه ننسي احزانا
ونرجع ليالينا ببسمتها وضحكتها
ومهما احكى قصتنا
هتفضل كثيرة المعنى
ولا يسعنا
الاف السطور فى اوراقنا
ويفضل فى ايدى عنوانك
بكلمه بسيطه مختصره
وانام على نبض خيالك
واواسي قلبى من الحسره
(انا هناك مستنياك )
ليست هناك تعليقات:
إرسال تعليق