لا خيار ولا لفت بقلم الشاعر محمد بدر
لا خيار ولا لفت
مابقتش استطعم
أكل خلاص
من شكله قرفت
ولا قادر اعمل زى الناس
حتى الأحساس
بقى زفت
راحو فين الاصحاب
ودى عشره قديمه
والنيه سليمه
من واحنا شباب
متلخبط ليه من
يا عذاب...
مافيش حد يخبط ع
الباب
حتى البواب
بيكلمنى
وعارفه كداب
وندمت فيوم
وانا كللى هموم
انى خلفت
كان لازم ابويا
يعلمنى العوم
كان لازم اصحى
لوحدى من النوم
بقيت زى دولابى
مليان بهدوم
قلبى متعبى هموم
بقى شكلى
شكل كلاويه
مليان بسموم
وبقيت اتمنى
يعدى العمر
زى مابيعدى اليوم
اتمنيت
ما كتبت ولا قاريت
ولا حسيت
ولا شفت
انا خفت
ماللى جوايا
انا خوفت
ليست هناك تعليقات:
إرسال تعليق