((يا ستنا لحمه)) بقلم الشاعر السيد سرحان
الرحمه يا ستنا لحمه
سعرك علينا غالى
مش كل يومين والثانى
سعرك يضرب فى العالى
والله خلاص فاض بينا
يالحمه ما ترحمينا
نفسنا وياكى فى يوم
نصالح على بعضينا
اِشى ضانى واِشى كندوذ
وبتلو ما نعرفوش
وعكاوى وعرق فلتوا
كل لدا محتاج لفلوس
والعجل بقى بيتأمر
وبيمشى يهز فى ذيله
ويطلع لنا فى لسانه
لو شاطر خذ لك كيلو
بُكره الأيام تتعدل
ومرتبنا يكفينا
ولا تملا عنينا ياعجل
وهنقطع بالسكينه
[يا ستنا لحمه ]
كلمات وأشعار
ليست هناك تعليقات:
إرسال تعليق